என்னைப் பொருத்தவரை ஃபுல்கா ரொட்டி, தந்தூரி ரொட்டி இதெல்லாமே சப்பாத்தியின் மறு பெயர்தான்.
கொஞ்சமா எண்ணைய் தடவி தோசக்கல்லில் போட்டு எடுத்தா சப்பாத்தி.
அதனையே இப்படி நேரிடையா தீயில வாட்டினா மேற்சொன்ன பேரு.. என் அறிவுக்கெட்டியது இதுதான்.
ஆதலால் இதனை என்ன பெயர் வேண்டுமானாலும் சொல்லி அழைக்கும் உரிமை யாவருக்கும் வழங்கப்படுகின்றது.
கோதுமை மாவினை வாயகன்ற ஒரு பாத்திரத்தில் போட்டு, தேவையான அளவு உப்பு மற்றும் தயிர் ஒரு தேக்கரண்டி ஊற்றி மிகவும் தளர்வாக இல்லாமலும் கெட்டியாக இல்லாமலும் சரியான பக்குவத்தில் பிசைந்து, சுத்தமான ஈரத்துணியினால் மூடி வைக்கவும்.
ஒருமணி நேரம் கழித்து சிறு சிறு உருண்டைகளாக உருட்டி சப்பாத்திகளாக இடவும்.
தோசைக்கல்லில் போட்டு சூடானவுடன் எடுத்துவிடவும்.
இன்னொரு அடுப்பில் க்ரில்லை வைத்து அதன் மேல் இச்சப்பாத்திகளை இரண்டு பக்கமும் திருப்பி போட்டு எடுக்கவும்.
சுவையான ஃபுல்கா ரெடி!!
இருபுறமும் வெண்ணைய் தடவி, பொருத்தமான குருமாவுடன் பரிமாறவும்.
இதில் கத்தரிக்காயையும் சுட்டு எடுக்கலாம் என்பது கூடுதல் தகவல்!!
பின்குறிப்பு:
ஒன்றுமில்லை!!
~~~~~~~~~~~~~~~~~~~~~~~~~~~~~~
படித்ததில் பிடித்தது:
வெற்றி இல்லாத வாழ்க்கை இல்லை; வெற்றி மட்டுமே வாழ்க்கை இல்லை.
பில்கேட்ஸ்.
_((()))_
கருத்துகள் இல்லை:
கருத்துரையிடுக
கருத்து நெல்மணிகள் இங்கு சேமிக்கப்படும்